اسلام آباد ۔ 8 نومبر (اے پی پی) قدرتی ماحول دا تحفظ اساں ساریں تے فرض اے ،گوبل وارمنگ دے خطرے نال نبڑنڑ کیتے عالمی سطح تے مشترکہ طور تے کم کرنڑ دی ضرورت اے ،ماحول دے تحفظ کیتے اساں ساریں ک??ںر?? تے کردار ادا کرنڑاں ہوسی ۔صدر مملکت ڈاکٹر عارف علوی قدرتی ماحول دے تحفظ دے حوالے نال اتھاں منعقدہ ستویں انٹرنیشنل یونین کانفرنس دے چھیکڑی سیشن نال خطاب کریندے ہوئیں آکھی?? جو قدرتی ماحول دے تحفظ کیتے اساں ساریں کوں رل تے کم کرنڑاں چاہیدے ۔انہاں آکھی?? جو دنیا دی آبادی اچ پیداواری صلاحیت دے تناسب اچ ودھارے دی ضرورت اے تاں جو عوام دیاں ضرورتاں پوریاں کیتیاں ونج سگن ۔انہاں آکھی?? جو انسان دیاں ضرورت?? اچ صرف خوراک ہی کائنی بلکہ بیاں سہولتاں وی شامل ہن ،ایں کیتے طلب تے رسد اچ توازن بہوں ضروری اے ۔ماحولیاتی تبدیلیاں دے حوالے نال صدر مملکت آکھی?? جو انہاں تبدیلیاں پاروں پاکستان دی سمندری حدود اچ 60توں 70فیصد تئیں مچھیاں ختم تھی گن جیرھا جو تشویش دی گال اے ۔انہاں آکھیے اساکوں ماحولیاتی تحفظ دے ذریعے مچھیاں دی پیداوار تے افزائش نسل ودھاونڑیں چاہیدی اے ۔ڈاکٹر عارف علوی آکھیے جڈاں اساں عالمی درجہ حرارت اتے ماحولیاتی تحفظ دی گال کریندوں تاں ایں حوالے نال انسانیت دیاں بنیادی ضرورتاں دی گال کیتی ونجے تاں اے ذہن اچ رکھنڑاں چاہید?? جو انسانیت دا انحصار بئی حیاتیاں اتے ہے جیں کوں اپنڑیاں ضرورتاں پوریاں کرنڑ کیتے استعمال اچ گھن آندوں۔
