اپوزیشن جماعتاں ودے جوش نال ملدیاں پین، انہاں دیاں 36 سازشاں ناکام ٻݨائن، ہݨ وی ناکام ٻݨیسوں، معاون خصوصی شہباز گل
APP18-090222
FAISALABAD: February 09- Special Assistant to the Prime Minister on Political Communication, Dr.Shahbaz Gill talking to the media personnel during press conference .APP
فیصل آباد۔9فروری(اے پی پی)دوزیر اعظم دے معاون خصوصی برائے سیاسی ابلاغ و ترجمان ڈاکٹر شہباز گل آکھیے جو اڄ کل اپوزیشن جماعتاں وڈے زور نال ملدیاں پن اتے آوݨ ونڄݨ لڳا پئے بھل حکومت کوں انہاں دا کوئی ݙر کائنی، انہاں دیاں 36 سازشاں ناکام ٻݨائن، ہݨ وی ناکام ٻݨیسوں، چوراں دے ٹٻر اتے ݙو چار اضلاع اچ رہݨ آلی اپوزیشن جماعتاں کوں چاہیدے جو او “ان ہاؤس تبدیلی” کرا تے ݙکھاون، لٹݨ آلے سݨ ڳھنن جو انہاں کوں پاپڑ آلیاں، ریڑھی والے اتے چپڑاسیاں دے ناں تے ارباں روپے دا ضرور ولدا فیوݨا ہوسی، انہاں کوں ݙھل ملسی نال ڈیل، چوراں دا حساب تھی تے راہسی اتے قومی لٹیراں کوں لٹی دولت ولاوݨی ہوسی۔ فیصل آباد اچ پریس کانفرنس کریندے قومی اسمبلی دی قائمہ کمیٹی برائے خزا نہ و اقتصادی امور دے چیئر مین فیض اللہ کموکا ایم این اے اتے صوبائی وزیر ثقافت و کالونیز میاں خیال احمد کاسترو وی موجود ہن۔ انہاں آکھیا جو اپوزیشن ملکی و قومی مفاد دے ہر موقع تے قوم دی کنݙھ اچ کاتی چلاوݨ توں کوئی ہتھ نئیں ݙکیا، یوم یکجہتی کشمیر تے اے ٹٻر سازشاں اچ ردھے ہوئے ہن جو میڈیا تے توجہ ملے اتے بھارت توں توجہ ہٹے، دورہ چین تے کوں وی ناکام ݙکھاوݨ دی انہاں کوشش کیتی اے، اے ہر سازش اچ ناکام تھیوݨن جو وزیراعظم دی نیت اتے سمت ݙوہیں ٹھیک ہین جیندا انہاں کوں چنتا اے۔
