گورنر خیبر پختونخوا فیصل کریم کنڈی دا قومی خبر رساں ادارے اے پی پی دا دورہ، منیجنگ ڈائریکٹر محمد عاصم کھچی دی اے پی پی نیٹ ورک بارے بریفنگ
APP05-210624
ISLAMABAD: June 21 Khyber Pakhtunkhwa Governor, Faisal Karim Kundi meets with Managing Director Associated Press of Pakistan (APP), Muhammad Asim Khichi during his visit to APP Headquarters. APP/SAK/MAF/ABB
اسلام آباد۔21جون(اے پی پی):گورنر خیبر پختونخوا فیصل کریم کنڈی قومی خبر رساں ادارے ایسوسی ایٹڈ پریس آف پاکستان (اے پی پی) دا دورہ کیتے، اے پی پی ہیڈ کوارٹر آوݨ تے ادارے دے منیجنگ ڈائریکٹر محمد عاصم کھچی ، ادارے دے افسراں ،ورکرز اتے اے پی پی یونین دے قائدین گورنر دا پر تپاک استقبال کیتا?? بعد اچ گورنرنال ملاقات اچ ایم ڈی اے پی پی گورنر خیبر پختونخوا کوں اے پی پی دے نیٹ ??رک ، نیوز سروسز تے ٻئے امور متعلق تفصیلی بریفنگ ݙیندے ہوئیں ݙسائے جو اے پی پی اردو، انگریزی ، سندھی، بلوچی ، پشتو ، عربی ، سرائیکی اتے چائنیز سودھے ٻہوں ساریاں زباناں اچ خبراں تے فیچرز قومی، علاقائی اتے عالمی اخباراں کوں ݙیندا پئے ۔ ایں توں انڄ ویڈیوز اتے ڈیجیٹل سروس دے ذریعے خبراں الیکٹرانک ذرائع ابلاغ کوں وی ݙتیاں ویندیاں پئن ۔ ایں موقع تے گورنر خیبر پختونخوا دا آکھݨ ہئی جو اے پی پی ریاستی میڈیا دا ھک اہم حصہ اے جیڑھا نہ صرف پاکستان بلکہ پوری دنیا اچ ملک دے چنڳے تشخص کوں اجاگرکرݨ تے نظریہ پاکستان دے بیانیہ دے ودھارے اچ اہم کردار نبھیندا پئے ۔ فیصل کریم کنڈی خیبر پختونخوا اچ اے پی پی دے نیٹ ??رک کوں جدید تقاضیں نال ہم آہنگ کرݨ تے زور ݙتا جیں ت?? ایم ڈی اے پی پی یقین ݙیوائے جو خیبر پختونخوا اچ اے پی پی دے نیٹ ??رک کوں مزید بہتر بݨاوݨ سانڳے اقدامات چاتے ویسن۔ گورنر خیبر پختونخوا فیصل کریم کنڈی ایں موقع تے اے پی پی دے مختلف شعبیں دا دورہ وی کیتا۔
