حکومت کاروبار دے ودھارے، اقتصادی ترقی اتے ملازمت دے موقع دی فراہمی کیتے بجٹ اچ تاجراں تے صنعت کاراں دی تجویز تے توجہ ڈیندی پئی اے ، وزیراعظم دے مشیرخزانہ ومحصولات ڈاکٹرعبدالحفیظ شیخ

اسلام آباد ۔ 8 جون (اے پی پی) وزیراعظم دے مشیرخزانہ ومحصولات ڈاکٹرعبدالحفیظ شیخ آکھیے جو حکومت کاروباردے ودھارے ، ملکی اقتصادی ترقی اتے ملازمت دے بہوں سارے موقع ڈیونڑ کیتے نویں وفاقی بجٹ اچ تاجراں تے صنعت کاراں دی تجویز اتے سفارشات تے توجہ ڈیندی پئی اے۔ انہاں اے گال سنوار کوں اتھاں وزارت خزانہ اچ بزنس کمیونٹی دے چئیرمین سراج قاسم تیلی اتے کراچی ایوان صنعت وتجارت دے نمائندیں نال ملاقات اچ آکھی اے ۔ملاقات اچ کراچی دی تاجراتے صنعت کاربرادری ولوں آندے بجٹ دے حوالے نال پیش کیتیاں گئیاں تجویزاں تے سفارشات دا جائزہ گھدا گیا ۔ وفد وزیراعظم دے مشیر توں بجٹ اچ ٹیکساں اچ کمی اتے انکم ٹیکس ری فنڈز دی ادائیگی دا عمل تیزکرنڑ دی درخواست کیتی، انہاں تجارتی تے کاروباری سرگرمیاں اچ تیزی گھن آونڑ کیتے ڈاکٹرعبدالحفیظ شیخ توں سہولتاں ڈیونڑ دی درخواست وی کیتی ۔ وزیراعظم دے مشیر وفد کوں یقین ڈیوائے جو حکومت کاروبار دے ودھارے ملکی اقتصادی ترقی تے ملازمت دے ودھ توں ودھ موقع ڈیونڑ کیتے آندے بجٹ اچ تاجراں تے صنعت کاراں دیاں تجویزاں تے توجہ ڈیندی پئی اے ۔

مضمون کا ماخذ : اسکریچ کارڈ جیتنے کے طریقے

متعلقہ مضامین