اسلام آباد۔7نومبر (اے پی پی) پاکستان فلسطین تے اقوام متحدہ دی خصوصی نمائندے فرانسسکا البانی دی اڄوکی رپورٹ دا خیر مقدم کیتے جئیں اچ آکھیا ڳئے جو اسرائیل غزہ اتے مغربی کنارے اچ جبری نقل مکانی، تباہی اتے نسل کشی دے منظم ایجنڈے کوں اڳوں ودھیندا پئے۔دفتر خارجہ دی ترجمان ممتاز زہرہ بلوچ خمیس کوں پریس بریفنگ اچ آکھیا جو رپورٹ اچ ٻیا آکھیا ڳئے جو اسرائیل علاقائی توسیع پسندانہ اتے ٻئی کاروائیاں نال فلسطینی عوام دی نسل کشی کریندا پئے۔ ترجمان آکھیا جو پاکستان اقوام متحدہ دی خصوصی نمائندہ د?? ایں م??قف کوں منیے جو اسرائیل اقوام متحدہ دی فیکٹ فائنڈنگ ٹیماں دے داخلے توں انکار بشمول بین الاقوامی تحقیقاتی کوششاں اچ رکاوٹ پاتی اے۔ انہاں آکھیا جو اساں فلسطینیاں دے خلاف اسرائیل دے بے لگام مظالم کوں ختم کرݨ اتے غزہ کوں بلا روک ٹوک انسانی امداد اتے یو این آر ڈبلیو اے دی مکمل مالی اعانت اتے تحفظ کوں یقینی ٻݨاوݨ کیتے فیصلہ کن انداز اچ کم کرݨ کیتے عالمی برادری نال انہاں دے مطالبے دی حمایت کریندوں۔ انہاں آکھیا جو پاکستان کوں یو این آر ڈبلیو اے سودھے امدادی کارکناں ات?? ایجنسیاں دے خلاف اسرائیلی کاروائی اتے ہسپتالاں اتے ویکسینیشن مراکز تے اوندی مسلسل جنگ تے وی تشویش اے۔ انہاں آکھیا جو فلسطین اتے لبنان ا?? انسانی ڈھانچے، ایجنسیاں اتے کارکناں تے حملے لوکاں کوں فوری طبی امداد ڳھنݨ اچ رکاوٹ ہن۔ انہاں آکھیا جو پاکستان فلسطین اتے لبنان ا?? فوری طور تے مخاصمت بن?? کرݨ، شہریاں دے تحفظ اتے شہریاں دا بنیادی ڈھانچہ اتے فوری ضرورت مندآں تئیں انسانی بنیاداں تے رسائی اتے صحت دی ݙیکھ بھال دا مطالبہ کریندے۔
